Nəfəs LGBTİ Azərbaycan Alyansı Azərbaycanda LGBTİQ+lar və qadınların* cəmiyyətə inteqrasiyasını təmin etmək, heteroseksizm və LGBTİQ+ icmasına qarşı fobiyaya son qoymaq üçün LGBTİQ+lar və qadınlara* dəstək olmaq məqsədi daşıyan könüllü özünüidarə, qeyri-hökumət, qeyri-kommersiya və qeyri-siyasi birlikdir.

Biz, 2012-ci ildən indiyə qədər sosial dəyişiklik, ictimai təşkilatlanma, təhsil və siyasi islahatların aparılması kimi aparıcı məsələlər istiqamətində fəaliyyət göstərir. İşimizin mühüm komponentləri vəkillik və maarifləndirmə işi vasitəsilə LGBTİQ+ icmasının və qadınların* yerli və beynəlxalq çərçivədə ehtiyaclarını səsləndirməkdir.

Edit Content

Biz vəkillik, icma quruculuğu, maarifləndirmə və ictimai vəkillik etməklə Azərbaycanı hər bir LGBTİQ+ və qadının* azad, bərabər və təhlükəsizlikdə hiss edəcəyi bir yerə çevirməyi hədəfləyirik.

Edit Content

Nəfəs insanların gender kimliyi və ya cinsi oriyentasiyasının zorakılığa və ya digər aqressiya formalarının nümayiş etdirilməsinə səbəb olmadığı, LGBTİQ+lar və qadınların* cəmiyyətin bərabərhüquqlu üzvləri olduğu bir cəmiyyətdə yaşamağa can atır.

Edit Content
  • İnsan hüquqları – insan hüquqlarının təminatı hüquqi və demokratik dövlətin və cəmiyyətin təməlidir. Nəfəs hər kəs üçün insan hüquqlarını qoruyur və təbliğ edir, ədalət və bərabərlik prinsipinə uyğun olaraq təcrid olunmuş icmaların sosial, siyasi həyata inteqrasiyasını, insan hüquqları diskursunun inkişafını təşviq edir.
  • Müxtəliflik və inteqrasiya – müxtəlifliyi təmin etmədən və qorumadan dinc, demokratik və müstəqil inkişaf qeyri-mümkündür. Biz vətəndaş cəmiyyətinin daxili müxtəlifliyini, təcrid olunan şəxslərin ictimai və siyasi həyata fəal inteqrasiyasını təşviq edirik.
  • Əməkdaşlıq və iştirakçılıq – Nəfəs öz proqramlarının keyfiyyətini təmin etmək üçün hədəf qrupun ehtiyaclarını sistematik şəkildə öyrənir. Hədəf qrupun sosial iştirakçılığını artırmaq, insanların və icmanın maraqlarını qorumaq üçün onlara səlahiyyət vermək məqsədi daşıyır.
  • Şəbəkəqurma – Nəfəs koalisiya işi və tərəfdaşlıq vasitəsilə davamlı nəticələrin əldə edilməsi üçün digər steykholderlər ilə sıx əməkdaşlığı hədəfləyir.
  • Komanda işi – Nəfəs komanda prinsipləri ilə fəaliyyət göstərir, məsuliyyət daşıyır və üzvləri arasında qarşılıqlı və bərabərhüquqlu tərəfdaşlığı qoruyaraq qarşısına qoyduğu məqsədlərə nail olmağı hədəfləyir.