LGBTQİ+ kommunikasiyası üçün məlumatların vizuallaşdırılması

LGBTQİ+ kommunikasiyası üçün məlumatların vizuallaşdırılması üzrə Skills Boost sessiyası 25 May Cümə axşamı günü CEST saat 12:00-da keçiriləcək.

İLGA-Avropa tərəfindən təşkil edilən sessiyanın məqsədi LGBTQİ+ fəallarına verilənlərin vizuallaşdırılması və infoqrafika vasitəsilə daha yaxşı hekayələr danışmağa kömək etməkdir. İştirakçılar məlumat və dizayn bacarıqlarını necə təkmilləşdirməyi öyrənəcək və aktivlikləri üçün effektiv infoqrafika yaratmaqda inam qazanacaqlar.

Skills Boost sessiyası mürəkkəb məlumatların aydın və əlçatan şəkildə ötürülməsi üçün getdikcə daha vacib alət olan məlumatların vizuallaşdırılması üzrə praktiki məsləhətlər və təlimatlar vermək üçün nəzərdə tutulmuşdur. 

İştirak etmək istəyən hər kəs sessiyaya qoşulmaq üçün onlayn qeydiyyatdan keçə bilər.

Buradan qeydiyyatdan keç. 

Jurnalistlər üçün bələdçi | ILGA-Avropa

ILGA-Avropa LGBTQI+ məsələlərini işıqlandıran jurnalistlər üçün təlimatlar toplusunu dərc edib.

Təlimatlar LGBTQİ+ ilə bağlı xəbərlər, insan hüquqları, dil haqqında necə məlumat veriləcəyinə dair aydın tövsiyələr və trans və intersekslər haqqında xəbər yazmaq üçün xüsusi tövsiyələr təqdim edib.

Bələdçi həmçinin LGBTQİ+ problemlərindən xəbərdar olmaq istəyən jurnalistlər üçün vacib resursların siyahısını ehtiva edib.

Avropada və dünyada anti-LGBTQİ+ və anti-gender qüvvələrin artması fonunda ILGA-Avropa bu təlimatların medianın keyfiyyətinə və plüralizminə töhfə verəcəyinə və jurnalistlərə işlərində dəstəkləyəcəyinə ümid edir.

Bəzi Avropa ölkələrində, eləcə də Azərbaycanda LGBTQİ+ların hüquqları getdikcə daha çox təhdid edildiyi və marjinallaşdırıldığı üçün bu təlimatlar xüsusilə aktualdır. Praktiki məsləhətlər və resurslar təqdim etməklə, ILGA-Avropa jurnalistlərə LGBTQİ+ məsələləri ilə bağlı dəqiq, hörmətcil və əhatəli şəkildə məlumat verməkdə kömək edəcəyinə ümid edir.Təlimata buradan keçid edə bilərsiniz.

Kəsişmələr: Yaşlı LGBTQİ+lar | ILGA-Avropa

ILGA-Avropa və AGE Platform Europe Avropa Əsas Hüquqlar Agentliyinin (FRA) 2019 LGBTİ Sorğusu II məlumat təhlili əsasında Avropada yaşlı LGBTQİ+ların üzləşdiyi çətinlikləri vurğulayan birgə brifinq yayımlayıb.

Brifinq ILGA-Avropanın kəsişmə hesabatlarının bir hissəsidir və məqsədi Avropada marjinallaşmış qrupların yaşadıqları təcrübələri araşdırmaqdır. Məlumatların təhlili yaşlı LGBTQİ+ların sorğuya verdiyi cavablara yönəldilib və onların gənc LGBTQİ+ fərdləri ilə müqayisədə təcrübələrindəki fərqləri vurğulamaq məqsədi daşıyıb. 

Hesabat marjinallaşdırılmış icmaların üzləşdiyi xüsusi problemlərin dərk edilməsində ayrı-ayrı məlumatların əhəmiyyətini vurğulayıb. ILGA-Europe və AGE Platform Europe arasında əməkdaşlıq yaşlı LGBTQİ+ların perspektivlərinin brifinqdə tam şəkildə təmsil olunmasını təmin edib.

AB | Macarıstana Qarşı Hüquqi Addım

AB üzv ölkələrin yarıdan çoxu Avropa Komissiyasının Macarıstana qarşı hüquq pozuntusuna dair addımını dəstəkləmək üçün bir araya gəlib. Addımı dəstəkləyən ölkələr sırasında Avstriya, Belçika, Hollandiya, Lüksemburq, Danimarka, Almaniya, İrlandiya, Finlandiya, Fransa, Malta, Portuqaliya, İspaniya, İsveç və Sloveniya yer alıb.

Bu inkişaf AB ölkələrinin əksəriyyətinin AB qanunvericiliyinə və Birlikdəki hər bir vətəndaşın fundamental hüquqlarına effektiv hörmətin təmin edilməsi istiqamətində fəal addımlar atmaq üçün kollektiv iradəsini vurğulayıb.

Bu addım Macarıstanın mübahisəli anti-LGBTQİ+ qanununa qarşı yönəlib, bu qanun AB tərəfindən ayrı-seçkilik və fundamental insan hüquqlarının pozulması kimi geniş şəkildə tənqid edilib. 

Yuxarıda adı çəkilən üzv dövlətlərin və Avropa Parlamentinin siyasi dəstəyi ilə AB indi AB-nin Ədalət Məhkəməsində növbəti prosedurları gözləyir. Bununla belə, Macarıstanın uğurlu addıma məhəl qoymaması ehtimalı var. Bu da AB-ni Macarıstan icmasını dəstəkləmək və hər hansı insan hüquqları pozuntularını sənədləşdirmək üçün anti-LGBTQİ+ qanunun icrasına nəzarəti davam etdirməsinə gətirib çıxara bilər.

14 üzv dövlətin dəstəyi AB dəyərlərinin təbliği və hər bir vətəndaşın hüquqlarının müdafiəsi istiqamətində mühüm addımdır. Bu addım həmçinin AB daxilində oxşar qanunlar üzərində fikirləşən digər ölkələrə belə ayrı-seçkilik yaradan qanunvericiliyə yol verilməyəcəyinə dair bir mesaj kimi xidmət edib.

AB-nin Macarıstanın anti-LGBTQİ+ qanununa reaksiyası fundamental insan hüquqlarının qorunmasına və Birlikdə hər bir vətəndaşa bərabər münasibətin təmin edilməsinə sadiqliyini nümayiş etdirib. AB üzv ölkələrin yarısından çoxunun kollektiv dəstəyi birliyin gücünü və AB-nin öz dəyərlərinə riayət etmək əzmini vurğulayıb.

Azərbaycan Təhsil Sistemində Kuirfobiya | Əli Məlikov

Azərbaycan Təhsil Sistemində Kuirfobiya – LGBTQİA+ müəllimlərin problemləri

Bu məqalə Əli Məlikovun Heinrich Boell Fondunun Tbilisi Ofisinin Feminist Vebsaytı üçün ingilis dilində yazdığı məqaləsinin tərcüməsidir. 

Əli Məlikov kuir aktivist və jurnalistdir. O, həmçinin “Qıy vaar!” və ‘Femkulis’ feminist-kuir platformalarının həmtəsisçisidir. 

Əli Azərbaycanın şəhər və bölgələrindəki kuir müəllimlərin hekayələrini paylaşır və onların həm peşə fəaliyyətində, həm də şəxsi həyatlarında qarşılaşdıqları gündəlik çətinliklərini nümayiş etdirir. 

“Səni şəhərdə pedaqoji fəaliyyətinə yaraşmayan və sənin səviyyənə uyğun gəlməyən kəslərlə görüblər”, – bu ifadəni Azərbaycandaki universitetlərin birində dərs deyən Rüfətə* universitet rəhbərliyi deyib. O,  Universitetinin Xüsusi Nəzarət Şöbəsi tərəfindən izlənilib. Rüfət isə ümumən belə bir şöbənin varlığından xəbərsiz olduğunu, eləcə də şəxsi həyatına müdaxilənin əsassız olduğunu söyləyir.

Bu gün Azərbaycanda LGBTQİA+ icma üzvləri gender kimliyi, cinsi oriyentasiya və/və ya digər ailə mənşələrinə görə ayrı-seçkilik görür, təhdid olunur, lakin kuir müəllimlər iş həyatlarına davam edə bilsinlər deyə, rəhbərlik tərəfindən gələn ayrı-seçkiliklərə susurlar.

Hazırda Azərbaycanda işçi hüquqları yetərincə qorunmur, halbuki ölkə konstitusiyasının 35-ci maddəsinə əsasən, əmək fərdi və ictimai rifahın əsasıdır. Əmək Məcəlləsinin 3.10-cu maddəsinə əsasən, işçilər kollektiv şəkildə öz əməklərini müdafiə edə bilər, lakin bu cür cəhdlərə çox vaxt işəgötürənlər və digər sosial və struktual qüvvələr tərəfindən maneə törədilir. Nəticədə bir çox insanlar (xüsusilə də LGBTQİA+ icmasının açıq düşüncəli üzvləri) işdən çıxarılmaqdan qorxaraq, rəhbərliklərin istismarçı davranışına dözməli və müqaviləsiz qaydada aşağı əməkhaqqı müqabilində işləməli olurlar. Azərbaycanda kir işçilər kuirfobiya hallarına susmalı olurlar. Bəzi hallarda LGBTQİA+ kimlikləri Azərbaycan cəmiyyəti və dövləti tərəfindən “müəllimlik statusuna uymayan” olaraq görüldüyü üçün müəllimlərin şəxsi həyatlarına müdaxilə və senzura da baş verə bilər. 

“Chai-khana” multimedia platforması üçün Azərbaycan məktəblərindəki LGBTQİA+ şagirdlər barədə hazırlanan yazıdan sonra LGBTQ+ müəllimlərin də məktəblərdəki kuir görünənlük mübarizəsinə töhfə verməyə çalışdığını öyrəndik. Peşə fəaliyyətlərinə təhlükələrin olacağını gözə alaraq kuir müəllimlər marginallaşdırılan mövzularda da tələbələr arasında fərqindəlik yaratmağa çalışırlar. Rüfət* də həmin müəllimlərdən biridir:

“Universitetimizdə açıq şəkildə özünü ifadə edən kuir tələbə var idi. Ona həmişə tələbə və müəllimlər tərəfindən “marslı” kimi davranılırdı. Buna görə də həmin tələbəyə güzəştlər etməyə çalışırdım, tez-tez ətrafında gəzərək təhlükəsiz mühit formalaşdırmağa cəhd edirdim. Bunu hiss edən qrupun digər oğlanlarından: “Müəllim, o petuxdu, ona niyə hörmət edirsən?”, – deyə tənələr eşidirdim. Hətta hər dəfə dərs bitəndən sonra düşünürdüm ki, ona özümün də gey olduğumu deyim, amma təbii ki, bu hərəkətimin qrup uşaqları tərəfindən yalnış anlaşmağından qorxurdum.”

Azərbaycanın təhsil sistemindəki seksizm və heteroseksizm ən uca nöqtəsindədir. Tələbələr üçün rol modelinin çox vacib olduğu dönəmdə vəziyyət qorxulu hal alır. Ölkə üzrə aparılan təbliğat nəticəsində tələbələr öz hüquqlarının belə tapdalanmağını normal qarşılayır. Kuir kimliklər tamamilə görməzdən gəlinir və insanlar bunu bir çox sahədə görür, ələlxüsus işə qəbul və müsahibə prosesində. Edilən nifrət nitqləri, üzə gülünüb, arxasıyca danışılan hekayələr kuirlərə ağır yük ola bilir. Belə şəraitdə mövcudiyyətini qorumaq böyük güc tələb edir və çox zaman kuirlər işsizliyə məruz qalır, ixtisas səviyyələrindən daha aşağı işlərdə çalışmalı olur və ya imkan yaranan kimi ölkəni həmişəlik tərk edirlər.

Hazırda kurslardan birində ingilis dili dərsi deyən Çarli aşağı kurslarda kifayət qədər LGBTQİA+ tələbələrin çox olduğunu deyir. Eləcə də o, öz kurslarının dövlət müəssisələrindən daha queer-friendly olduğunu qeyd edir.

“Kursda tələbələr mənə müəllimdən çox, mentor kimi yanaşır, olduğum kimliyimlə qəbul edirlər. Kaminq-aut etmə ehtiyacı hiss etməmişəm, lakin bunu gizlətməmişəm də. Həmişə danışdıqda adlandırmalar olmadan danışıram, boyfriend/girlfriend kimi kəsişməli ifadələrin hamısını işlədirəm, gendersiz xitablar edirəm. Kurslardan fərqli olaraq orta məktəblərdə vəziyyət düşüdüyümüzdən dəhşətlidir. Mən qanunlar imkan vermədiyi üçün oriyentasiyama görə əsgərlikdə olmamışam və buna görə dövlət idarələrində işləyə bilmirəm. Bu da birbaşa sistemin fobikliyini göstərir.”

Eləcə də Charlie vurğulayır ki, kuir kimliyini açıq şəkildə ifadə etməsi kariyerasının sonu da ola bilər. Onun sözlərinə görə, dərs müddətində istənilən mövzu haqda danışma haqqı olsa da, daha ehtiyatlı davranmaq və kuir mövzuları açılanda diqqəti çox çəkməmək üçün söhbəti başqa tərəfə yönəltmək lazımdır. O, həmçinin qeyd edir ki, özəl müəssisələr də dövlət maraqlarına uyğun şəkildə işləyir. Orta məktəbdə dərs deyən Eminin sözlərinə görə, işə qəbulda hicablılara ayrı-seçkilik edildiyi kimi, LGBTQİA+lar da işdən tamamilə rədd cavabı alırlar. Emin məktəb psixoloqlarının bu mövzu barəsində nə şagirdlərlə, nə də müəllimlərlə danışacaq səviyyədə məlumata sahib olmadığını deyir. Eləcə də o əlavə edir ki, indiki şəraitdə LGBTQIA+lar üçün məktəblərdə “yer yoxdur”, şərait olduqca təhlükəlidir.

“Burada LGBTQİA+ olub, bullinqdən qaçmaq olmaz. İşdə özümü hetero kimi ifadə edirəm. Kaminq-aut etsəm, əminəm ki, mənə olan münasibət tam dəyişəcək və işdən çıxarılmağım üçün hər şeyi edəcəklər. Sinifdə hər tip dəyərdə böyümüş şagird var; bizim bu mövzuda danışmağımız bir şagird üçün xoş olduqda, digəri üçün əxlaqsızlığın təbliğidir.”

Rayon məktəblərində vəziyyət Bakıdan daha pisdir. İnformasiyaya çatımlılığın daha azdır və Dennis van der Veur tərəfindən ILGA-Europe/COC üçün yazılmış fakt araşdırma missiyasının hesabatı da göstərdi ki, açıq kimlikli LGBTQİA+lar təhlükəsizlik məsələlərinə görə bölgələri tərk edirlər. [1] Lənkəranda məktəbdə incəsənət müəllimi olan Cəmalənin dediyinə görə, onların məktəbində psixoloq yoxdur. Onun əvəzində “tərbiyə işləri üzrə müdir” adlanan dindar bir şəxs var. Cəmalənin pirsinqləri var və saçları rənglidir. O deyir ki, müəllim heyəti və assistentlər ona qəribə yanaşırlar. Lakin onlar müəyyən stereotipləri incəsənət müəllimləri ilə əlaqələndirirlər, Cəmalə isə feminin qəbul edildiyi üçün onun özünüifadəsinə əngəl yaratmırlar.

“Bir dəfə bir uşaq (6-cı sinif) dəftərinə göy qurşağı çəkmişdi. Sinif yoldaşları dedi ki: “Geysən? Bu nədir, LGBTQİA+ bayrağı çəkmisən?” Bilmirəm ki, həmin uşaqları nə qədər təhlükəsiz şəkildə maarifləndirə bilərəm. Yəqin ki, şəhər məktəbində olsa, mövzu barədə daha rahat danışa bilərdim, nəinki burda. İndi danışsam, “nümunəvi müəllim” sayılmadığım üçün ciddi təhlükə yarana bilər.”

Cəmalənin ətrafında 2-3 kuir müəllim rəfiqəsi də var və onların fikrincə, açıq şəkildə kimliklərini ifadə etmələri rayonda ümumən mümkünsüzdür. Digər müsahiblərin sözlərinə görə, dövlətə nəzdində çalışan bir çox müəllimlər var ki, onların əllərindən hətta şəxsi həyatlarında belə özləri olma imtiyazı alınır. Misal üçün, genderini sərt maskulin şəkildə ifadə etməyən erkək müəllimlər əsasən özəl məktəblərdə, iş zamanı öz kimliklərini senzura edərək işlərini davam etdirə bilirlər. Müsahiblər həmçinin bildiriblər ki, iş yoldaşlarının onları işdən kənar zamanda görmək, sonra isə iş yerində ifşa etmək riskləri var. 

* Respondentlərin təhlükəsizliyi üçün adlar dəyişdirilib.

** Respondentlərin təhlükəsizliyi üçün təhsil müəssisələrinin adları qeyd edilməyib.

İstinadlar

[1] Dennis van der Veur, Forced Out: LGBT People in Azerbaijan (Amsterdam: ILGA-Europe and COC Netherlands, 2007).

İLGA-Avropa Konfransı 2022 | Sofiya, Bolqarıstan

İLGA-Avropa konfransı 19-22 oktyabr 2022-ci il tarixlərində Bolqarıstanın paytaxtı Sofiyada, 2020 konfransının planlaşdırıldığı şəhərdə baş tutacaq.

2022 İLGA-Avropa konfransının mövzusu: “Gələcək dünyanı formalaşdırmaq”.

“Biz tarixin elə bir anındayıq ki, dünya bir çox səviyyələrdə böyük dəyişikliklərdən keçir. İqlim dəyişikliyi, kütləvi miqrasiya, sağçı populist qüvvələrin yüksəlişi və rəqəmsal dünyanın istismarı ilə siyasət faktlardan daha çox diqqətlə qurulmuş hekayələrin formalaşmasına əsaslanaraq daha da qütbləşib və bölünüb. Bunun fonunda marjinal qrupların hüquqları, azadlığı və bərabərliyi üçün risklər yüksəkdir, Yaşadığımız dəyişikliyi iqtidarda olanlar formalaşdırır. Bu iqtidardan biri də insan hüquqları sahəsində müttəfiqləri ilə birlikdə hamı üçün daha yaxşı bir cəmiyyətin formalaşmasında əsas rol oynayan uzunmüddətli, yekdil, irəliyə doğru düşünən, mütəşəkkil və fəal LGBTİ+ hərəkatıdır,” – deyə İLGA-Avropanın vebsaytında qeyd edilib.

20-22 oktyabr 2022-ci il tarixlərində keçiriləcək növbəti Ümumi Yığıncaq (GM) Bolqarıstanın paytaxtı Sofiya şəhərində keçiriləcək İllik Konfransla birlikdə baş tutacaq. Ümumi Yığıncaqda Nəfəs LGBTİ Azərbaycan Alyansını LGBTİ+ hüquqları aktivisti Vahid Əliyev təmsil edəcək.

İLGA-Avropa

Nəfəs LGBTİ Azərbaycan Alyansı İLGA-Avropanın illik müqayisə aləti olan və Avropanın 49 ölkəsini LGBTİ+ bərabərliyi qanunları və siyasətləri üzrə sıralayan Göyqurşağı Xəritəsi və İnseksinin, eyni zamanda, Avropada və Mərkəzi Asiyada LGBTİ+lərin İnsan Hüquqları Vəziyyətinin İllik İcmalı sənədinin əsas töhfəverənlərindəndir.

Mediada LGBTİ+ məsələlərinin ədalətli, dəqiq və əhatəli işıqlandırılması LGBTİ+lər və həyatımıza təsir edən məsələlər haqqında ictimai məlumatlılığın və anlayışın genişləndirilməsində mühüm rol oynayır. LGBTİ+lərin qəbullanması və görünür olması artmağa davam etsə də, icmamız, xüsusən də translar sistemik ayrı-seçkilik, epidemik səviyyələrdə mənfi siyasət və hücumlarla üzləşməyə davam edirlər. 

İLGA-Avropanın son hesabatlarına əsasən, Azərbaycan 49  ölkə arasında siyasi, sosial və hüquqi cəhətdən LGBTİ+lərin yaşaması üçün ən pis ölkədir. 

Sumqayıtda Azyaşlı Oğlan Polisdən Təzyiq Görüb

Sumqayıt şəhərində azyaşlı oğlan saç rənginə görə polisdən təzyiq görüb. Bu barədə Minority Azərbaycan xəbər verib.

Rəis deyib: “Mənə bakirə qızlar tap”

Adının anonim qalmasını istəyən 16 yaşlı gənc bildirib ki, hadisə 20 sentyabr saat 11.00 radələrində Sumqayıt şəhərində baş verib. O, saçını göy boya ilə rəngləməsi barədə video paylaşdıqdan sonra polislər onun evinə gəlib və Sumqayıt şəhər Baş Prokurorluğuna aparıb. 

Zərərçəkənin sözlərinə görə, onun yaşı az olduğu üçün o, prokurorluğun uşaq məsələləri ilə məşğul olan bölməsinə gətirilib və orada axşam saat 18.00-19.00 radələrinə qədər saxlanılıb. 

Polis onun telefonunu əlindən alıb və bütün mesajlarını oxuyub, fotolarını nəzərdən keçirib. Zərərçəkən bildirib ki, polis ona bu sözləri deyib: “Bunlar nədir? Sən də “bundansan?” Ölkəmiz sənin kimilərdən ötrü o qədər şəhid verib, heyif onlardan.”

Daha sonra rəis gələrək, zərərçəkənlə görüşüb. O, bildirib ki, rəis ondan 15-16 yaşında bakirəliyi pozulmayan qızlar “təşkil etməsini” istəyib və bunun müqabilində pul da təklif edib. Zərərçəkən razı olmadıqda isə, o, polis tərəfindən döyülüb və nəzarət otağında saxlanılıb.

O, buraxıldıqda isə telefonu geri alıb və bir çox şeylərin – WhatsApp mesajlarının, Instagram proqramının, bir sıra yazışma və fotoların silindiyini görüb.

Zərərçəkən baş verən hadisədən sonra intihar həddinə çatdığını və dostunun sayəsində sağ qaldığını, psixoloji vəziyyətinin ciddi sarsıldığını bildirib. O, məsələ ilə bağlı şikayət edəcəyini qeyd edib. 

LGBTİ+ haqları aktivisti Əli Məlikov bildirib ki, zərərçəkən artıq vəkillə təmin edilib. 

Mediada nifrət cinayəti xəbərlərinin ədalətli, dəqiq və əhatəli işıqlandırılması LGBTİ+lər və həyatımıza təsir edən məsələlər haqqında ictimai məlumatlılığın və anlayışın genişləndirilməsində mühüm rol oynayır. LGBTİ+lərin qəbullanması və görünür olması artmağa davam etsə də, icmamız, xüsusən də translar sistemik ayrı-seçkilik, epidemik səviyyələrdə mənfi siyasət və hücumlarla üzləşməyə davam edirlər. 

İLGA-Avropanın son hesabatlarına əsasən, Azərbaycan 49  ölkə arasında siyasi, sosial və hüquqi cəhətdən LGBTİ+lərin yaşaması üçün ən pis ölkədir. 

Gəncədə Gey Kişilərə Hücum olub

Sentyabrın 2-də Gəncə şəhəri Samux rayonunda iki nəfər gey kişiyə hücum olub. Bu barədə Nəfəs LGBTİ Azərbaycan Alyansına LGBTİ+ hüquqları aktivisti Əli Məlikov məlumat verib.

Onun sözlərinə görə, hücum edənlər “sizin kimiləri burada istəmirik” deyərək gey kişiləri vəhşicəsinə döyüb və körpüdən atmaq istəyiblər. 

Əli Məlikov öz paylaşımında: “Baxın Azərbaycan reallığı! Hələ üzünü çəkə bilməyib. Əsirəm daha,” – deyə qeyd edib.

gey azərbaycan
gey
gay

[Sumqayıtda Trans Qadın Zorakılığa Məruz Qalıb]

Avropa və Mərkəzi Asiyanın 54 ölkəsindən 600-dən çox təşkilatı birləşdirən müstəqil, beynəlxalq qeyri-hökumət təşkilatı olan İLGA-Avropanın son hesabatlarına əsasən, Azərbaycan 49  ölkə arasında siyasi, sosial və hüquqi cəhətdən LGBTİ+lərin yaşaması üçün ən pis ölkədir. 

Sumqayıtda Trans Qadın Zorakılığa Məruz Qalıb

Sumqayıtda trans qadın zorakılığa məruz qalıb.

Sumqayıtda trans qadın sevgilisi tərəfindən döyülüb. 

O, trans olduğu üçün polisin işə baxmadığını və zorakılığı görməzdən gəldiyini deyib. Daha əvvəl həbsdə olan başqa kişi də ona trans olduğu üçün hücum edib. Lakin Sumqayıt şəhəri 4-cü polis bölməsi məsələni araşdırmayıb.

Qadın polis bölməsində: “Sizin əməkdaşlardan uzaq qalmağa çalışıram, çünki ev sahiblərimlə əlaqə saxlayıb məni evdən atdırırlar. 3 gün əvvəl 28 avqustda sevgilim sinəmə qayçı dirəyib ‘səni ikiyə bölərəm’ deyəndə də polisə şikayət etməyə qorxdum,” – deyə bildirib.

LGBTİ+ hüquqları aktivisti və “Qıy Vaar!” platformasının təsisçisi Əli Məlikov Nəfəs LGBTİ Azərbaycan Alyansına bildirib ki, “Hadisənin ictimailəşdirilməsi vacibdir. Hazırda qadın təhlükədədir”. O, həmçinin sevgilisinin qadına zəng edərək ərizəni geri çəkməsini istədiyini, əks təqdirdə özünə qəsd edəcəyi ilə təhdid etdiyini söyləyib. 

trans qadın
Azərbaycanda trans qadın

LGBTİ+lər Azərbaycanda ən marjinallaşdırılmış və ən çox ayrı-seçkiliyə məruz qalan icmadır. Ölkədə LGBTİ+lərə qarşı epidemik səviyyədə diskriminasiya var. 

Azərbaycanda LGBTİ+ləri qoruyan qanunların olmaması, mühafizəkar cəmiyyətin LGBTİ+ləri təhqir və zorakılığın legitim hədəfləri kimi görməsi bizi – kuir icmanı sığortasız qoyur. 

Avropa və Mərkəzi Asiyanın 54 ölkəsindən 600-dən çox təşkilatı birləşdirən müstəqil, beynəlxalq qeyri-hökumət təşkilatı olan İLGA-Avropanın son hesabatlarına əsasən, Azərbaycan 49  ölkə arasında siyasi, sosial və hüquqi cəhətdən LGBTİ+lərin yaşaması üçün ən pis ölkədir. 

Nəfəs LGBTİ Azərbaycan Alyansı olaraq, biz Azərbaycanın Avropa İnsan Hüquqları Konvensiyasını imzalamaqla üzərinə götürdüyü öhdəlikləri yerinə yetirməsini tələb edirik.

Trans Woman was Subjected to Violence in Sumgait

Trans woman was beaten by her boyfriend in Sumgait.

She said that because she is trans, the police did not look into the case and ignored the violence. Another man who was previously imprisoned also assaulted her because she is a trans woman. However, the 4th police station of Sumgait city did not investigate the case.

The woman said in the police station: “I try to stay away from your employees, because they contact my landlords and they kick me out of the house. 3 days ago, on August 28, when my partner stuck a pair of scissors in my chest and said, ‘I will cut you in two,’ I was afraid to file a complaint with the police.”

LGBTI+ rights activist and the founder of “Qıy Vaar!” platform Ali Malikov told the Nafas LGBTI Azerbaijan Alliance that “It is important to publicise the incident. At the moment, the woman is in danger.” They also said that her boyfriend called the woman and asked her to withdraw the application, otherwise he threatened to commit suicide.

trans woman azerbaijan
trans in Azerbaijan
Trans

LGBTI+s are the most marginalised and discriminated community in Azerbaijan. There is epidemic level of discrimination against LGBTI+s in the country.

The lack of laws protecting LGBTI+s in Azerbaijan, the fact that the conservative society sees LGBTI+ people as legitimate targets of insults and violence leaves us – the queer community – in a precarious situation.

According to the latest reports of ILGA-Europe, an independent, international non-governmental organisation that unites more than 600 organizations from 54 countries of Europe and Central Asia, Azerbaijan is the worst country amongst 49 countries politically, socially and legally for LGBTI+s to live .

As Nafas LGBTI Azerbaijan Alliance, we demand that Azerbaijan to fulfill its obligations undertook to respect by ratifying the European Convention on Human Rights.