Queer Art Festival Baku Sənətkarlar üçün Açıq Çağırış

Queer Art Festival Baku 2023 ilin incəsənət festivalı üçün açıq çağırış elan edib və yerli vizual rəssamları öz yaradıcılıq işləri ilə qrup sərgisində iştirak etməyə dəvət edir. Festival “İmtiyazsız” mövzusunu araşdırmaq və imtiyazsız icmaların hekayələrini vurğulayan sənət əsərləri yaratmaq üçün xüsusi olaraq trans, qeyri-binar, gender-müxtəlif, multiseksual və kuir rəssamları hədəfləyir. 

Festival altı yerli rəssamı sərgidə iştirakına görə təqaüdlə dəstəkləməyi qərara alıb. Rəssamlar festival komandası və yerli kuratorun dəstəyi ilə 20 may – 5 iyul 2023-cü il tarixləri arasında öz əsərləri üzərində işləyəcəklər. Yekun sərgi iyulun 14-də sosial media platformalarında və “Baku Queer Art Festival”ın saytında dərc olunacaq.

Festival trans, qeyri-binar, gender-müxtəlif, multiseksual və kuir icmalar və ya əlaqəli mövzularla işləmək təcrübəsi olan vizual rəssamlara çağırış edir. Yuxarıda qeyd olunan mövzuya aid olan rəsm, qrafika, çap, kollaj, fotoşəkil (rəqəmsal və ya film), qısa video instalyasiya, əl işləri, illüstrasiya və rəqəmsal əsərlərlə işləyən peşəkar və ya həvəskar vizual rəssamların müraciət etməsi tövsiyə olunur.

Seçilmiş rəssamlardan mayın 20-dən iyulun 5-dək təşkil olunan dörd onlayn görüşdə iştirak etmələri tələb olunacaq və onlar iyulun 7-dək əsərlərini təqdim etməlidirlər. Hər bir rəssam sərginin mövzusu ilə əhəmiyyətli dərəcədə əlaqəli olan 1-3 əsər (bir səhifəlik əsərlər və ya qısa qrafik hekayələr) üzərində işləyə bilər. Təqdim olunan əsərlər sosial şəbəkələrdə paylaşıla bilən formatda və ölçüdə olmalı, rəssam 150-500 sözdən ibarət olan sənət əsərinin təsvirini yazmalıdır.

Festival qrup sərgisində iştirak etmək istəyən gənc və həvəskar vizual rəssamların müraciətlərini təşviq edir. Son təqdimetmə tarixi mayın 15-dir və maraqlanan sənətçilər ərizə formasını dolduraraq müraciət edə bilərlər. Festival qrup sərgisi üçün seçilən rəssamlara 340 AZN məbləğində təqaüd təklif edir.

Queer Art Festival Baku Azərbaycanda kuir incəsənət və mədəniyyətinin görünürlüyünü təşviq edən illik festivaldır. Festival yerli və beynəlxalq rəssamlara öz əsərlərini nümayiş etdirmək və kuir icmasının müxtəlifliyini qeyd etmək üçün bir platforma təqdim edir. Festivalın missiyası cəmiyyət normalarına meydan oxumaq və seksual oriyentasiyasından və gender kimliyindən asılı olmayaraq bütün insanlara qəbulu, tolerantlığı və hörməti təşviq etməkdir.

Film Festivalı | Sosial İnklüziv Memarlıq və Şəhər Məkanları

Film mürəkkəb mühüm məsələləri çatdıra və yeni səslərə platforma verə bilər. Dinləməli olduğumuz səslər. 

Başqa sözlə, film bizi yeni üsullarla əlaqələndirə, hiss etdirə və anlamağa vadar edə bilər.

“Biz xoşbəxtik ki, Gürcüstan, Azərbaycan və Danimarkada sosial inklüziv memarlıq və şəhər məkanları kimi ayrı-seçkiliyə yol verilməyən dizayn həlləri haqqında qlobal qısametrajlı film müsabiqəsi olan “Film Mozaikası” layihəsini dəstəklədik,” –  deyə Yeni Demokratiya Fondu öz Facebook paylaşımında qeyd edib.

Filmlər tikilmiş mühitə daxil edilmiş bərabərsizlikləri ortaya qoyur və daha yaşıl, daha təhlükəsiz, daha sağlam və daha ədalətli və inklüziv şəhərlərlə nəticələnən həlləri ruhlandırıb.

Bu yaxınlarda, Kopenhagen Memarlıq Festivalında Gürcüstanın Danimarkadakı səfirliyi ilə əməkdaşlıq çərçivəsində “Film Mozaikası”film layihəsində iştirak edən 12 filmin nümayişi keçirilib.

Nümayişdən sonra rejissorlar ilə müxtəlif mədəni kontekstlərdə inklüziv dizaynla məşğul olmağın əhəmiyyəti və təsirindən bəhs edən müzakirə təşkil edilib.

Film Mosaikası” layihəsinin əsas məqsədi film mühitinə çıxışı demokratikləşdirmək və memarlıq və bərabərlik arasında qarşılıqlı əlaqəni araşdırmaqdır.

Filmlər BMT-nin 2030-cu ilə qədər Dayanıqlı İnkişaf Gündəmində bərabərsizliklərin azaldılması öhdəliyini əks etdirən mərkəzi, transformativ vəd olan “Heç kəsi gündəmdən kənarda qoyma” ideyasına uyğun olaraq hazırlanıb.

Kopenhagendə nümayiş etdirilən 12 filmə buradan baxa bilərsiniz.

“Film Mozaikası” film festivalı Kopenhagen Memarlıq Festivalı tərəfindən layihə tərəfdaşları – Tbilisi Architecture  Biennial / თბილისის არქიტექტურის ბიენალე, Nəfəs LGBTİ Azərbaycan Alyansı və Emergency Architecture & Human Rights ilə birgə təşkil olunub.

Film Mozaikası | Heç Kəsi Arxada Qoyma

Skandinaviyadan Qafqaza qədər ayrı-seçkiliyə yol verməyən dizayn necə görünür? Filmlər bizə hər kəs üçün əlçatan şəhər məkanı yaratmağı öyrədə bilərmi?

CAFx Skandinaviyanın ən böyük memarlıq festivalıdır. 2014-cü ildən etibarən CAFx memarlıq dəyişikliklərinin həyatla kəsişdiyi yerlərə diqqət yetirir.

Kopenhagen Memarlıq Festivalı Gürcüstan, Azərbaycan və Danimarkada inklüziv və ayrı-seçkiliyə yol verməyən memarlıq və şəhər dizaynlarını sənədləşdirən Film Mozaikası: Heç Kimi Arxada Qoyma müsabiqəsindən seçilmiş 12 qısametrajlı filmin nümayişini həyata keçirəcək.

Festivalda Azərbaycandan Nəfəs LGBTİ Azərbaycan Alyansının daxilində fəaliyyət göstərən Kuir İncəsənət Festivalı çərçivəsində hazırlanmış üç film nümayiş olunacaq.

Kuir İncəsənət Festivalı bu ilin əvvəlindən başlayaraq seçilmiş 30 iştirakçıya “filmmaking” vörkşopları təşkil edib. Proqram müddətində iştirakçılar şəhər quruculuğunun marjinallaşdırılmış qruplara təsirini araşdırıb və 3 dəqiqəlik qısa filmlər hazırlayıblar.

Seçilmiş filmlər mühitimizə pərçimlənmiş bərabərsizlikləri ortaya qoyur və daha yaşıl, daha təhlükəsiz, daha sağlam və daha ədalətli və inklüziv şəhərlərlə nəticələnən həlləri ruhlandırır.

Nümayişlər müxtəlif mədəni kontekstlərdə qurulmuş, planlaşdırılan və böyüyən mühitdə inklüziv dizaynın nə demək olduğunu izah edən kinorejissorlarla söhbətlərlə müşayiət olunacaq.

Nəfəs LGBTİ Azərbaycan Alyansında Vahid Əliyev bildirib ki, Nəfəs LGBTİnin tərkibində faliyyət göstərən Kuir İncəsənət Festivalı Bakıda kiçik film nümayişi keçirməyi planlayıb.