Dünyanı dəyişdirmək üçün qlobal təşəbbüslər daima Azərbaycanın inkişaf gündəliyində yer almış vasitələrdən biri olmuşdur. Azərbaycan Minilliyin İnkişaf Məqsədlərinin həyata keçirilməsində fəal iştirak edib, 2000–ci ildə Minilliyin Bəyannaməsinə qoşularaq dövlət proqramlarında təsdiqlənmiş milli inkişaf strategiyasını hazırlamışdı. Beynəlxalq müqayisələr Azərbaycanın bir çox göstəricilər üzrə yaxşı nəticələr əldə etdiyini göstərir.

Azәrbaycanın da dәstәklәdiyi BMT–nin Dayanıqlı İnkişafa hədəfləyən 2030 Gündəliyi bütün ölkələrdən milli və beynəlxalq səviyyədə sosial ədaləti, ətraf mühitin vəziyyətini və iqtisadi dayanıqlığı yaxşılaşdırmaq üçün iddialı tədbirlər görməsini tələb edir. Hər kəsin həyatını inkişaf etdirə biləcəyi şərtləri təmin etmək üçün geniş bir beynəlxalq proqram özlüyündə böyük bir uğurdur. Proqrama 17 məqsəd daxildir vә bu onu tarixdəki ən geniş səyə çevirir. Gündəlik 2030 cəmiyyəti dəyişdirmək və ciddi tərəqqi əldə etmək üçün fürsət təklif edir. Bu da hәr kәs kimi LGBTİ fərdlərinin dә qlobal hədəflərin həyata keçirilməsinə, hәr kәsin davamlı inkişafdan tam, ədalətli və bərabər dərəcədə töhfə qazanması üçün geniş inkişaf fəaliyyətinə daxil edilməsini tələb edir.

Avropa Şurası Parlament Assambleyası (AŞPA) tərəfindən qəbul edilmiş qətnamə DİM-lərin uğurlu hәyata keçirilmәsindә qanunverici hakimiyyət sahibi kimi milli parlamentlərin rolunu əsas vurğulayır (Qәtnamә 2272 (2019)). Assambleya qәbul etdiyi qәtnamәdә DİM-lərin həyata keçirilməsində və monitorinqindә milli parlamentlərin rolunun gücləndirilməsinə və parlamentlərin bu sahədə fəal iştirakına ehtiyac olduğunu vurğulayır.

Bəs Milli Məclis qanunvericilik bazasını yaradan əsas qurum kimi heç kimin geridə qalmamasını təmin etmək naminә davamlı iqtisadiyyat və tәrәqqinin tәmin olunmasında hansı həlledici rolu oynaya bilәr? Və yaxud da parlamentin davamlı inkişaf sahəsindəki çatışmazlıqları aşkar etmək və aradan qaldırmaq kimi ideal bir mövqedə olmasını nәzәrә alaraq LGBTİ vәtәndaşların öz potensialını reallaşdıra və davamlı inkişafa töhfə verə bilməsini təmin etmәk üçün parlament nәlәri etmәlidir?

Vәtәndaş cәmiyyәti olaraq biz dә dayanıqlı inkişafa verә bilәcәyimiz töhfәnin mәsuliyyәtini dәrk edirik. İnanırıq ki, bu tәlimat kitabçasında təqdim olunan tövsiyələr parlament üzvlərinə və müvafiq dövlət qurumlarına vәtәndaş cәmiyyәtinin inkişafı, sosial təhlükəsizlik və səhiyyə sisteminin yaxşılaşdırılması, qanunvericiliyin təkmilləşdirilməsi vә bu inkişafın LGBTİ vәtәndaşların qarşılaşdığı unikal ehtiyac və problemlərinә dә cavab verməsini təmin etmək üçün yardımçı olacaq.