1 May – İşçi və Əməkçinin Bayramı
Sinifi bölən kuirfobiyadır!
Nəfəs LGBTİ Azərbaycan Alyansı olaraq, biz 1 May Beynəlxalq İşçilər Gününün qlobal qeyd etməsinə qoşulur və LGBTQİ+ işçiləri də daxil olmaqla, bütün işçilərin hüquqları və ləyaqəti uğrunda mübarizəyə sadiq olduğumuzu bir daha qeyd edirik.
Azərbaycanda LGBTQİ+lar həm iş yerində, həm də ümumilikdə cəmiyyətdə ayrı-seçkiliyin, təcridin və zorakılığın müxtəlif formaları ilə üzləşirlər. Biz tez-tez kimliyimizi gizlətməyə məcbur qalırıq, təqib və zorakılıqla üzləşirik və məşğulluq, təhsil və səhiyyə çıxış əldə etmək üçün bərabər imkanlardan məhrum oluruq.
LGBTQİ+ işçilər də heteroseksual və cisgender həmkarları ilə birlikdə aşağı əmək haqqı, uzun iş saatları və təhlükəli iş şəraiti kimi eyni problem və istismarla üzləşirlər. Bundan əlavə, biz seksual oriyentasiya və ya gender kimliyimizə görə tez-tez işdən qovulmaq və ya işə qəbul edilməmək, sosial təminat müavinətlərindən və digər əmək hüquqlarından məhrum olmaq kimi əlavə ayrı-seçkilik və zorakılıq formalarına məruz qalırıq.
Mayın 1-də biz Azərbaycan hökumətini, işəgötürənləri və vətəndaş cəmiyyətini LGBTQİ+ işçilərinin xüsusi ehtiyaclarını və hüquqlarını tanımağa və ünvanlamğa, ayrı-seçkilik və zorakılıqdan qorxmadan əmək bazarında tam və təhlükəsiz şəkildə iştirak etməyimizi təmin etməyə çağırırıq.
Biz həmçinin işçi yoldaşlarımızı, sosialist fəallarımızı, əmək təşkilatlarını LGBTQİ+ işçiləri ilə həmrəy olmağa və hamı üçün sosial və iqtisadi ədalət uğrunda mübarizədə qüvvələri birləşdirməyə çağırırıq. Yalnız birlik və müxtəlifliyi ehtiva edən işçi hərəkatı olaraq birlikdə işləməklə daha ədalətli, daha əhatəli və daha davamlı dünya qurmaq üçün lazım olan transformativ dəyişikliklərə nail ola bilərik.
Nəhayət, biz bütün dünyada istismara, zülmə və ayrı-seçkiliyə qarşı mübarizə aparan, hamı üçün daha yaxşı gələcək qurmağa çalışan bütün ƏMƏKÇİLƏR, fəallar və mütərəqqi qüvvələrlə HƏMRƏYLİYİMİZİ ifadə edirik. Bu Əmək Günündə gəlin sosial ədalət və bərabərlik uğrunda mübarizəyə sadiqliyimizi təzələyək və işçi sinfinin gücünü və müxtəlifliyini qeyd edək.
