Avropa İnsan Hüquqları Məhkəməsi (AİHM) genderin tanınması ilə bağlı Gürcüstan qanunvericiliyinin qeyri-müəyyən olduğunu və üç gürcü trans kişinin xeyrinə qərar çıxararaq “özbaşına qərarlar” mənbəyi olduğunu bildirib. Bu barədə Minority Azərbaycan yazıb.
Dekabrın 1-də AİHM Gürcüstanın Avropa İnsan Haqları Konvensiyasının 8-ci maddəsini – şəxsi və ailə həyatına hörmət hüququnu pozduğunu müəyyən edib.
Məhkəmə qeyd edib ki, Gürcüstan Republikasının mövcud qanunvericiliyi dövlətin “genderin qanuni tanınması üçün sürətli, şəffaf və əlçatan prosedurları” təmin etmək öhdəliyi ilə “əsaslı şəkildə ziddiyyət təşkil edir”.
“Aydın hüquqi bazanın olmaması qapıçılara – səlahiyyətli yerli hakimiyyət orqanlarına həddən artıq diskresion səlahiyyətlər verir ki, bu da genderin qanuni tanınması üçün müraciətlərin araşdırılması zamanı özbaşına qərarların qəbuluna səbəb ola bilər”.
İLGA-Avropanın son hesabatına əsasən, Gürcüstan LGBTİ+ hüquqlarına görə Avropanın 49 ölkəsi arasında 25% nəticə ilə 35-ci sırada yer alıb.
