LGBTİ+ seks işçiləri həmişə LGBTİ+ hərəkatının bir hissəsi olublar; Marsha P. Johnson və Sylvia Riveranın adları sadəcə tarixi istinadlar deyil, onların 1969-cu il Stonewall üsyanına verdiyi töhfələr bu gün bildiyimiz qlobal LGBTİ+ hərəkatının təməlini təşkil etmişdir. Bununla belə, bir çox seks işçisi müasir LGBTİ+ aktivizmindən kənarda qalıblar.
Biz, Nəfəs LGBTİ Azərbaycan Alyansı, seks işçilərinin insan hüquqlarının müdafiəsi üçün təməli kimi dekriminalizasiyaya çağırış edirik!
Eyni zamanda, Nəfəs LGBTİ Azərbaycan Alyansı LGBTİ+ icması daxilində LGBTİ+ seks işçilərinin üzləşdiyi insan hüquqları pozuntuları barədə məlumatlılığı artırmağı, seks işçilərinə qarşı stiqma ilə mübarizə aparmağı və onların LGBTİ+ icmasında daha görünür olmasını dəstəkləməyi öhdəsinə götürür.
Əhatəli Cinsi Təhsil nədir? Bu barədə 10 ildən artıqdır ki, yeniyetməlik/gənc və böyüklərin psixologiyası üzrə ixtisaslaşan psixoterapevt və seks terapevt Şəbnəm Sadıqova ilə söhbətləşdik.
Azərbaycanda ilk dəfə əhatəli cinsi təhsillə bağlı dərs keçirilməyə başlayıb. Layihə Təhsildə İnkişaf və İnnovasiyalar üzrə VI Qrant Müsabiqəsi qalibi olaraq, Sabunçu rayonu 72 nömrəli tam orta məktəbdə tətbiq edilib. Bu layihə çərçivəsində cəlb olunmuş seks terapevt Şəbnəm Sadıqova dərslərin noyabrın 1-dən dərslərə başlayacağını deyib.
Şəbnəm Sadıqova Nəfəs LGBTİ Azərbaycan Alyansının aşağıdakı suallarına cavab verib.
Müəllimlər və valideynlər “gender” sözünü eşidəndə nə başa düşürlər? Bunu necə təsəvvür edirlər?
“Seks” sözü məktəblilərlə ünsiyyətdə işlədiləcəkmi?
Valideynlərdən hansısa birbaşa irad, hücum olubmu?
Nəfəs LGBTİ Azərbaycan Alyansı Mental Sağlamlıq podkastlar seriyasını qürurla təqdim edir.
Seriyamızın ilk mövzusu “Trans maskulin tranzisiya” və qonağımız isə Azad Bakhtidir. Azadın 25 yaşı var, o, trans kişidir və vegan, transfeminist aktivistdir. Bu podkastda Azad ilə Azərbaycan reallığında transların apardığı yaşam mübarizəsindən:
ASAN Xidmətin nümunəsində transfobik bürokratiya;
Trans görünməzliyi və buna təsir edən sosyal, iqtisadi, siyasi amillər;
Trans kişilərin qadın təcrübələrinin (sosiallaşmasının) yox sayılması;
Trans qətlləri və intiharları;
Trans-həssas sağlamlıq xidmətlərinin, o cümlədən psixoloq və psixoterapevtlərin çatışmazlığı
və trans həyatları çətinləşdirən bu və ya digər amillərin mental sağlamlığa bir-başa və dolayısı təsirləri barədə söhbət etmək imkanımız olub.
Podkasta SoundCloud və ya Spotify platforması üzərindən qulaq asa bilərsiz.
Öz təcrübələrini bölüşdüyü üçün Azada, transların apardığı həyat mübarizəsini və trans-inklüziv siyasətlərin əhəmiyyətini podkastı paylaşaraq görünən edən dinləyicilərimizə təşəkkür edirik.
Bu ilin yay aylarından etibarən Queer Art Festival Bakı seçilmiş 40-a yaxın iştirakçıya “Heç Kəsi Arxada Qoyma” layihəsi çərçivəsində şəhərsalma və qısametrajlı film çəkilişi mövzuları ətrafında təlimlər təşkil edib. İki fərqli qrup hər biri 8 təlimdə iştirak edərək:
Təlimlər müddətində iştirakçılar həm film çəkilişi üçün lazımi praktik bacarıqlara yiyələnib, həm də ölkəmizdəki hazırki şəhər dizaynını incələyərək, urban mühitdə inklüzivlik, insan hüquqlarının qorunması və şəhər sakinlərinin ehtiyacları mövzularını araşdırıb.
“Heç Kəsi Arxada Qoyma” layihəsi çərçivəsində iştirakçılar 30-a yaxın qısametrajlı film ərsəyə gətirib. Filmlərdə şəhər quruculuğunun gətirdiyi problemlərin LGBTİ+ icması, qadın*lar, gənc işçi sinif, uşaqlar, sürücülər və bir neçə başqa sosial qruplara birbaşa və dolayı təsirləri araşdırılıb.
Seçilən ən yaxşı 3 film Gürcüstan və Danimarkadan da qonaqların iştirakı ilə 10-16 Oktyabr tarixərində həyata keçirilən “Film Mosaic: Leave No One Behind” ictimai premyerasında tamaşaçılara göstərilib.
Queer Art Festivalı zamanı hazırlanan qısametrajlı filmlər həmçinin hazırda “Film Mosaic 2023” qısametrajlı film yarışmasına əlavə olunur. Sizlər də həmiçinin öz qısametrajlı filminizlə yarışmada iştirak edə bilərsiz! Yarışma haqda qısa məlumat və müraciət formasını bio-dakı “CAF × Film Mosaic Submission” linkindən əldə edə bilərsiz.
Sözügedən beynəlxalq müsabiqə qalibləri həm pul mükafatı qazanacaq, həm də 2023-ün yay aylarında beynəlxalq “Film Mosaic 2023” tədbirində iştirak üçün Kopenhagenə dəvət olunacaq. “Heç Kəsi Arxada Qoyma” layihəsi çərçivəsində hazırlanan qısametrajlı filmlər çox yaxın günlərdə sahifəmizdə paylaşılacaq.
Filmlərə həmçinin Dekabr ayı müddətində hazırlanacaq yeni veb səhifəmizdən və ya müsabiqəyə əlavə olunduqdan sonra Copenhagen Architecture Festival saytından izləyə bilərsiz.
Layihə “The New Democracy Fund” dəstəyi və Copenhagen Architecture Festivalın partnyorluğu ilə həyata keçirilib.
